2/12/2015

lain-lain

gipatay ang mga sundalo sa
mga terorista
dunay giputlan og tiil
giputlan og liog

sa laing lugar dunay
tawong gisunog dunay
mga bata nga naapil sa
bomba
dunay mga babaye nga
gipangawat og wa na
mahibaw-i kon buhi pa
ba o patay

dunay eroplano nga nahagsa
patay tanan ang mga nanakay
dunay barko nga nalunod
dunay bus nga nabanggaan
sa dakong trak de karga
dunay nahulog sa pangpang
daghan sab ang patay

sa laing bahin kasal nimo karon
diha sa usa ka isla
bongga kini og ang mga bisita
inila
mahalon ang mga buwak
unya lami kaayo ang mga
pagkaon
malipayon mong duha
sa imong pangasaw-on
diha sa paghalok og
pag-inom sa usa ka kopa
anang bino sa kaminyoon

managlahi ang mga panghitabo
apan kasagaran dili gayod
makalipay
hinonoa makalisang
makaguol
makapatulo sa mga luha
makapakurog sa atong
tuhod
makapakagot sa atong
ngipon
unya atong mga apapangig
mosamot kalig-on

No comments :

Post a Comment

Lami ba?