2/07/2015

makamaong magmugna
ang utok

nahikatulog ko sa
kakapoy

sulod sa damgo gipaak
kos akong iro

ingon ko, nganong
nagbudhi ka man sa
tigpakaon nimo?

sa dihang nakamata ko
ang akong iro natulog
sa kilid sa akong katre

ingon ko, damgo nganong
wala ka man nagsulti
kanako sa tinood?

mikiwil ang ikog sa akong
iro og miduol kanako

ang kamatooran, wala
sa hunahuna, atua sa
akong iro, nga karon
nagpakugos kanako

No comments :

Post a Comment

Lami ba?