6/05/2016

ang paghigugma

gipamati nako ang 
pagkuskos ni segovia
sa iyang
karaang gitara

mora ba'g ang akong
mga tudlo 
misulay og kitik sa
mga kwerdas mong
bukog diha sa imong
kiliran

ang nahitabo 
miiyak ka kay kuno
gisakitan sa
akong gibuhat

nanamin ko sulod
sa akong lawak
nga nag-inosara
nakapangutana:

tinood ba kaha 
ako nga nahigugma?

o balihon nato ang
pangutana unya
ikaw na usab ang
mosulay sa pagtubag.

gipadayon nako ang
pagpamati
samtang hinay hinay
usab mikamas
ang kagabhion sa
akong dughan

No comments :

Post a Comment

Lami ba?