6/10/2016

ang wala matugkad

dunay pispis
nga ilang gisagop
nga nahulog gikan
sa salag
sa usa ka patay
nga lubi

matag kaadlawon
samtang
nakigbisog ako
sa kangitngit
ug kamingaw
samtang wala 
pa miabot ang
akong gipaabot
nga kahayag sa
akong adlaw

anaa ang pispis
nagpunay ug iyak
sa kagutom

wala akoy laraw
nga molawog kaniya
wala sab sa akong
hunahuna nga puhon
kini mahilom ra
dayog kamatay

kay ako ania
naputos usab sa
kahigwaos sa akong
panaw
sa tumang kagutom
kon unsaon kaha
ako sa akong
kapalaran aron
mahupay ang
wa pa nako 
matugkad nga
kalawom sa akong
kagutom....

No comments :

Post a Comment

Lami ba?