2016/06/15

stress...

kahinumdom ka ba
niadtong giaghat ko ikaw
ug lakaw 
sa tungang gabii kay
ang atong mga kasingkasing
nag-ulpot ulpot
nagtuyok tuyok nga morag
kote?

dako ang atong mga hungit
taas ra kaayo ang atong pahulay
walay tumong ang mga adlaw
walay klaro ang mga oras

gidaro ko ang umahan ni tatay
gitanom ko ang mga kasagingan
gikatkat ko ang mga punoan sa
mangga
gisanggot ko ang mga kalubian
gibugsay ko ang sakayan
gilatas ko ang habog nga
kabukiran

kahinumdom ko ni uyoan
sofronio: dinhis bukid
wala kaila ang mga tawo
anang

stress, stress...

Panginhas dire