6/15/2016

kabahin sa yamyam ni sonia

namati ko ni sonya
samtang gibasa niya
ang iyang obra
kon unsaon ba
ang pagpkabuhi
isip usa ka tawo

unsa ang atong
pagkatawhanon

gipamati nako ang
matag pulong
nga iyang gilitok
gisakyan nako ang
tanan garay 
wala na nako mailhi
ang tanang ngalan
nga iyang gisangpit

usahay mokanta siya
nga walay gamit sa
pulong
morag taghoy morag
yamyam lamang
mosaka sa langit
monaog sa impyerno
nga mora bag
ako nakaadto

ingon ana diay kaha
ang atong pagkatawhanon
bisag unsa na lang
nga mora ba hinoog
walay klaro kon asa
paingon?

No comments :

Post a Comment

Lami ba?