6/17/2016

ang wakwak ug ang demonyo

ang wakwak sa
imong likod kanunay
nga naniid

nagpahipi lamang
kay unya sa panahon
sa imong
paghikatulog o kaha
ba sa imong kahuyang
sa hinay hinay 
iya kang kan-on

.>>>>><<<<<<<

aron masumpa kini
kanunay pagdala ug samin
aron dili ka makalimot
kon mangilad na siya ug
suway kanimo
ipatunong ang samin sa
adlaw
unya itunol kaniya ang
kahayag

ug dinha makita nimo nga
ang wakwak sa imong likod
mao diay ang imong giamigo
nga demonyo...

sa ikatulo ka adlaw nimong
panamin
diha diha mahibaw-an nimo
nga kadtong demonyo
(ayaw kasuko) mao ra man
pod diay ang imong kapikas
ang imong nawong sa pikas

No comments :

Post a Comment

Lami ba?