2016/06/03

kagawasan

sa sayong
buntag ambot nganong
nagpalupad kog
tabanog

basin natintal lang
kos kakusog sa
hangin

dagko ang mga balod
walay tawo ang palibot
samot mikusog ang
hangin

sa hinay hinay misaka ang
adlaw gikan sa
bungtod paingon sa
langit

samtang nagsigi na ug
lupad ang akong tabanog
nahukman nako humang
sa pamalandong nga akong
putlon ang hikot

sa dihang naputol na
milupad ang tabanog sa
iyang  kaugalingon
hangtod nahulog kini
sa dagat

gibiyaan nako ang
hikot
gikalimtan nako ang
tabanog nga nalubong
didtos lawod

mipauli ko dala ang
pagbati sa usa ka kagawasan
nga akong gihatag
sa tabanog

paghikalimot sa hukot
nga karon
gitag-iyahan na sa
mga sagbot

ingon ani diay
ang kagawasan mas
anaa sa pagbiya kaysa
pagsugat....

Panginhas dire