2016/06/11

ang pahimangno sa magbabalak ngadto sa usa ka magbabasa

salamat sa pagsunod
unta ikaw na pod....

nindot ang adlaw karon
wala kay makita nga adunay
dag-om aron hulgaon ka ug
ulan nga mobabag sa imong
laraw nga panaw

paingon sa dagat tabok gamit
ang baroto paingon sa usa ka
isla diin ang gipangita mo nga
gugma nagpaabot kanimo 
kagabii pa silong sa bulan
nga nagmingaw.....

inig panirado na unya sa pultahan
samtang ang puti nga iro 
magpaabot didto sa silong sa
lantay, unya ikaw na usab ang
mopasalig kanako nga adunay

panahon nga biyaan ta ang
balay, ang baroto, ang isla,
aron ipahimutang nato pag-usab
ang atong mga kalipay

damgohon na usab nato ang
tanang mga unta.....

Panginhas dire