2016/06/11

ang hukom sa punoan sa mangga kang Nang Sinta

unsaon kaha pagpugong
ni Nang Sinta ang daghang
mga bata nga mamalantig
sa iyang mangga nga
gahitik ang mga bunga?

buhian niya ang iyang
buang nga iro aron kulinitan
ang batang walay  hilam-os?

butangan niyag sawa ang
punoan aron malisang ang
mga walay buot?

o dili ba aron makabalos
ipaputol na lamang niya
ang punoan aron wala
nay maplantig pa ang mga
libot-suroy?

wala na makapili tagad
ang maong tigulang nga
byuda sa dihang sa tumang
bantay niya sa punoan
nabali ang gibug-atan nga
sanga unya didto sa ubos
siya naigo dayog kamatay.

Panginhas dire