2016/06/22

limpyo nga konsensya

mikatawa ang mga
bakakon
nag-inom sa ilang
dalang ilimnon
karon nakab-ot na
usab nila ang 
ilang gipangandoy
midaog ang ilang
mga lingla
busa silang tanan
nagpista

sa pikas balay 
nadungog mo kini
sulod sa imong lawak
diin napalong na
ang suga unya
nanirado na ang
pultahan ug bentana

bisan og kusog kaayo
ang ilang mga hudyaka
sa tumang kasaba
nga nakatukaw sa kalinaw
sa imong kagabhion

oran-oran ikaw giduyan
na sa mihangop kanimo
nga mga bukton diha sa
kahumot sa katulogon....

Panginhas dire