2016/06/17

tanghaga nga gitunol sa kabuntagon human sa usa ka damgo sa kabalaka

gipangayam mo ang
tambal sa imong kasakit
didto sa lasang
diin ang mga mananap
abtik man kaayong manglupad
mangatkat mangambak
busa wa nimo madakpi o
bisan makita man lang
pati na gani ang gibantog
nga mayanang bangaw

nagpabilin ka diha sa kahapdos
unya karon asa naman diay ang
imong gipanghambog nga kapikas?

o o o o o o

mga bula sa lubi nga gikahinaman
sa mga batang gibotbot

. . .>>>>>>>>

pagkadaghan sa isda nga nakalusot
sa pukot mong bitas

duha man ugaling ka mga katig
apan samdan man ang imong sakayan

anaa ka nagsunog sa imong usa ka libo
aron lang pangitaon ang usa ka dako?

ang unggoy nga puti anaa naghinuktok
sa sanga sa bayabas

nangandoy sa itom nga tulabong 
sa puwa nga pungak sa azul nga uwak.

Panginhas dire