8/07/2015

lahi na ang akong
panglantaw sa akong
mga tupad

wa ko ni kini
gisama nga akong
mga kuyog
hangtod sa kagabhion

abi mo
sa matag kunot sa akong
agtang

makita ang laing
kabag-ohan

ang karon og
gahapon
dili na magtagbo
sa akong
ugma


matag abot sa
usa ka hunahuna
wa ka nay
hunahunaon pa

matag hawid sa
hawiranan sama sa
usa ka palad
ngadto sa laing palad
daw hangin na lamang
nga milabay
sa dahon
sa antulanga


ambot wa ko kini
hisabti pag-ayo
apan ania na kanako
ang bulawan nga
kalipay

dili siya bato
mora siyag kahayag
diha sa
ilalom sa higdaanan
nga naglibog
ka og
dis-a gikan

No comments :

Post a Comment

Lami ba?