2015/08/07

miagi ra ko

ambot kon
mahinumdoman ko
pa ang mga
balili sa daplin
sa bungtod

ang alindanaw nga
pulag ikog

ang mga kalachuchi
nga nangahulog

ang kaadlawon nga
bugnaw sa akong
tangkugo

miagi ra ko

gusto pa unta
nakong hinumduman

apan
dili na lang

kay unsaon ko pa
man kadto

paingon na ako
sa mas nindot pang

mga talan-awon
nga wa pa sukad nako
makita

gani nagdali man ako
aron unta

sa pag-abot nako
didto

hayag na ang
kabuntagon

unya namuswak
na ang kaanyag

sa kahayag og init
na ang pagbati sa

usa ka pag-abot

Panginhas dire