8/14/2015

paghinumdom

kaadlawon
pa lang si tatay
nagkaragkarag
kay lagi
moadto na kami
sa ozamis, daghang

kalachuching nangahulog
sa iyang tiilan
tupad sa gahirig nga balay
ni lola, samtang

ang hangin mikusog, dayog
bundak sa ulan
dayog kapuno sa kanal
og ang

tubig miawas diha sa
iyang kalubog
mikatap ngadto
sa hardin
nga napuno sa buwak
nga pulahon,

midagan ang gamayng
bata saka sa hagdanan
aron ang iyang
kiting dili
mabasa

si tatay nagkaragkarag
na usab
sa kaadlawon kay gusto
mouli dali
paingon sa Dipolog

No comments :

Post a Comment

Lami ba?