8/26/2015

katulugon nga mga gamot

sa imong pagmata
sa unang kabuntagon
nganong miiyak ka 
man? nganong gipalanog
mo ang dahonog sa imong
mga luha?

upat lang ang kiliran
sa matag
kalibotan sa kamingaw
kon imong
dugangan og ikalima
mosamot pa kalanog
ang iyak sa mga
luha

maanad ka ra unya
dili na madugay
moabot ra ang usa ka
paghukom sa
kahilom

karon ipiyong mo na
usab ang imong mga mata
nga makighinabi sa
imong kagikan

ang ngitngit nga kalinaw
ang tam-is nga kahilom
ang katulugon nga mga
gamot
sa atong pagpuyo nga
malipayon

No comments :

Post a Comment

Lami ba?