8/01/2015

ani pa gihapon ang
tingog sa bata

nagpakata nga morag
rebentador
sa bag-ong tuig

kon sutaon gusto ko
na kining palungon
sama sa suga
lapas na sa
kagabhion

apan ania pa gihapon
kining tingog sa gamayng
baba

sa kanunay nagsulti sa
matood
og sa kanunay gusto
nakong palongon
aron dili na
pamation

ania pa gihapon ang
nag-iyak nga tingog sa
bata

wala man unta gigutom
wala man pod unta giuhaw
apan nganong
siging gatukaw nga mora
bag walay
pagkatagbaw

No comments :

Post a Comment

Lami ba?