2015/08/15

dinhing lugara
magkita tang duha
mobungat
ko mamati ka

gitago ko kining
bahina
sa uban pang mga
trahedya

dinhing lugara
magkita tang duha
bisag dili kaayo
ta kaila

gitago ko gihapon
kining bayhana
sa uban pang
mga drama

dinhing lugara
mag-inom ta
magsumsum pa
magtagay ta
sa kapakyasan
tang duha

kon mangahubog
tang duha
mohay-ad ka
mosunod ko
tupad diha nimo
gitago ta kini
sa mga di nato kaila

maghimo tag trahedya
og uban pang mga drama

Panginhas dire