2015/08/07

sa kalibotan sa mga
baka
kabaw
kanding
og mga kabayo

sa mga manok
nga jolojano
sa mga pato
apil na ang
mga bebe

baga nga kasagbotan
gamay nga sapa
lang ang kinahanglan

dili sama nimo
mangayo man og panganod
unya sa kagabhion
mohangyo pa man og
mga bitoon
apil na ang bulan

dili man kontento sa hangin
og sa kahayag

naa na ang kape sa lamesa
naa pay butter og jam
naa na ang nag-asong kainit
ang gagilak nga
katam-is

ambot nganong dili pa
gayod
matambalan ang
kagutom, ang kauhaw
ang kalabad sa
ulo

Panginhas dire