2/06/2017

ang akong nailhan nga babaye didto sa switzerland

sa switzerland
puno kaayo ang iyang baso
sa kahaw-ang

ang makahubog kaniya
wala katabang
patay siya nga nagmata

usa ka gabii niana
gilabay niya ang tanan sa
bentana: wala ang gugma

pila na ba ka gabii ang
milabay sa iyang pagpakaaron-
ignon? naulaw ang iyang mga tudlo.

wala ang pinakadakong tinguha
hupas ang gugma. Puno ang
baso sa hangin. 

makabungol ang tingog sa
kamingaw. Ang agulo dili na
kini niya maantos.

nindot ang iyang nakita 
kagahapon samtang milabay
siya sa pultahan sa iyang higala.

sa usa ka kihat lamang 
nagun-ob ang iyang kalibotan.
gitangtangan siya sa tanan.

unsa pa may pulos? dili ba
gusto naman sab  niyang mamatay?
paspas man o sa hinayhinay
wala nay bili kon unsaon.

No comments :

Post a Comment

Lami ba?