2/02/2017

ang kagamay

kon ipamugos gayod
nimo ang iong kaugalingon
mabati mo ang imong
pagkagamay, 

una mora ka
ug dwende
naghangad kanunay
sa iyang
kataas

sunod mora ka na ug
gidulaan nga kote
ilabay, patuyukon,
pudyuton,
tal-an
 
dayon kon palabian mabati
mo ang imong
kaasgad isip
kugmo nga gilikitlikit
sa iyang palad
dayog labay nga mora
lag walay
nahitabo sa iyang
kinabuhi

No comments :

Post a Comment

Lami ba?