usa ka dangaw

sa dihang didto pa kita
sa patag
nakita nato ang agianan
nga pagkaangaton
mora ganing dili na kita
kadayonon
basin dili nato masugakod
ang kalayo ug kahabog

apan wala nato ambata ang
kahadlok
mipadayon kita sa panaw
ngadto sa atong paingnan

daghan kitag gihisgotan
usahay mahilom usahay
mahugyang ug katawa
sa bisan unsa na lang 

hangtod nga miabot kita
sa atong gilantaw
usa ka payag diha sa habog
nga bungtod  nga sa
giingon mo dies tabos na
lang ang kulang sa plitehan
paingon sa langit

sa dihang didto na kita sa
kilid sa payag ug naglingkod
sa dakong bato dapit sa
pultahan atong nakita ang
atong gigikanan
atong gisukod ang usa ka
dangaw