2017/02/10

kukong putol

misayaw ako sa usa ka turkish mix
2016
abtik akong mikawaykaway sa akong
duha ka kamot nga gustong kab-oton ang
langit
gikilingkiling nako ang ulo nga nangitag 
kalipay diha sa kabugnaw sa hangin gikan sa
gawas sa balay nga misulod sa abri nga bentana
nag-ambak-ambak ko sa tumang kagana ning
sayong kabuntagon

pamawi kini sa kagabhion nga milingla kanako
sa katulogon sa mga damgo nga hangtod karon 
wala ga gayod nako nasabtan
sa mga pangagho nga walay tubag
sa mga katol nga dili ko makalot kay dili pa 
gihapon mahawiran sa akong mga kamot
nga mugbo ug tudlo 
nga ang mga kuko
putol

Panginhas dire