2/10/2017

..kaha?

dili baya usab mahimong
sigihon
basin ug maputol basin ug
sa kalabihan sa pagbas
na hinoon malata

inat-inaton lang 
tanyahon kon asa taman
kon asa ang ligti
kon asa gayod ang bugtuanan
sa maong pisi

sulayi pagtugkad ang kalalom
ang kakulangon sa hangin
ang kahilom hangtod nga mabati
mo ang tingog sa imong tingog

ang awit nga dili mo maawit
ang kalisud nga bisan sa usa ka
pulong dili mo gustong
mahinumduman pa og balik


sulayi ang pagmata dayon susiha
pagbalik kon unsa ang gusto isulti
kanimo diha sa imong damgo 
nga bisag nahinumduman mo na
gusto na gayod nimo kining hikalimtan
sa dayon. . . kusi-a ang imong kiting
sagpaa ang imong nawong
pakusgan mo pa kaha?


No comments :

Post a Comment

Lami ba?