2017/02/02

balak alang kang P

karon 
namisita ka nako

sa akong lawak
nag-atubangay ta isip
duha ka higala
nga dugay na
kaayong wala
nagkita

kulongon pa gihapon
ang imong buhok
apan lagom na ang
imong mga wait

dagko na ang imong
mga aryos
mahilig ka gihapon sa
mga nagbitay nga
bulawan
ganahan ka anang
mga dayandayan

morag bayag migamay
ang imong liog
dayon mitangkag ang
imong dalunggan

morag mas motaas pa
ang imong 
kinabuhi morag layolayo
pa gayod ang
imong latason sa panaw
sa kalibotan

lahi ka na karon
kay kon motutok ako kanimo
moduko ka

(duna ka bay nahimong
dala diri kanako? mahimo
mo ba akong sultihan?)

hangtod karon
dili pa gihapon ako
kahibalong masuko kanimo

gitago ko lang ang tanan
dinhi sa kangitngit
nga akong gitagoan....

Panginhas dire