2/20/2017

...didto sa salog

unta ang akong mga
kamot
para lang gayod unta
nimo

apan sa dihang mihapyod
na kini sa
imong dughan

walay nabatian ang akong
pagbati 
diha sa imong pagbati

walay pulos ang kalipay
kon usa lang ang malipay

busa gisirad-an ko usab
ang akong pultahan

kusog ang ulan sa akong
lawak
apan dili na kinahanglang
imo pang madungog

ang pagkahulog sa dagkong
luha
didto sa salog

No comments :

Post a Comment

Lami ba?