...mga imahe....

tambal sa
kasakit
dahong bugnaw
halanghalang nga
sili
hampol sa
hubag nga 
hangtod karon
wa pa
nagpakita kon
asa ang 
buthanan

mga basong
buak nga imong
gikahig sa kilid
sa bongbong

mga usik nga
gatas sa 
lamesang kahoy

mga mumho nga
wala pa nakit-an
sa mga bagtok

mga bukog sa isda
sa kilid sa
plato nga wala pa
nahugasi
sa katabang

mantsa sa catsup sa
imong sanina
laway nga nauga
diha sa kilid
sa imong baba

kining mga balak 
usahay
maningil sa tanang
imahe nga
mitapot niadto
pang miaging 
kagabhion