balak kabahin sa usa ka itlog

ang duha ka
managhigala samtang
naglakaw sa dalan
nakakita ug itlog
sa manok nga
ihalas.

ang duha ka gutom
gustong siya lang
ang makaangkon, busa
nagsinumbagay intawon
hagtok ang mga kumo
nga milanding sa
ilang mga nawong

natumban ang itlog
nabuak kini unya ang
lami untang imnon
nagpasad sa yuta.

karon ang nahibilin
sa ilang giawayan mao
na lamang 
ang tipaka nga dili 
makaon.

pagkabuang gayod
nga unta mahimo man
nilang saluhan ang usa
ka itlog
sa ilang duha ka kagutom.