2/06/2017

ang mga buyog ug mga alibangbang

kanus-a pa kaha
ang sunod natong 
panagkita?

kadto maoy atong
pangutana sa
atong nabiyaan nga
kabuntagon

gusto nakong kalimtan
ang tanan
ang paghinumdom mao
lamang ang pagnusnos
sa akong samad diha
sa aslom nga suka

karong Hunyo magkita
na usab kita
ug sama kaniadto ang
adlaw dayag kaayo
sa pagpakita sa iyang
kahayag diha sa
palibot

namuswak na usab ang
mga buwak
unya ang mga buyog
ug alibangbang anaa
mag-unot sa tanaman
nagsura kanato sa atong
mga gikalimtan na
sa dayon

No comments :

Post a Comment

Lami ba?