ang katanga sa namatay

kon ang imong
gitukod nga balay
gamit lang unta
ang lubi 
nipa og uway
nan 
wala untay
dakong away

mabanabana mo
man god
nga igo sa imong
pagkamatay
kining tanan
maabtan na man
sa ilang
pagkagidlay

wa nimo matantiya
nga ang tanan dinhi
sa imong
palibot
gahandom man lamang
sa imong
mga kabilin nga
kabtangay

wala nay tambal sa
imong ubo
ang imong lisa
dili na 
mahilot pa

wala mo matambali
ang imong
katanga diha sa
mga butang
nga dili mo madala

kutob ra ka diha karon
sa pagtinga
inig hunat mo na sa
kataposang
ginhawa

magtagsatagsa na silag
kwentada
kon unsay ilaha