morag wala lang

gikan sa america ang unanga
gibisitahan ni dodoy mao ang
ilang karaang balay sa milad

dako kini, dos undanas, lig-on
ang mga kahoy nga dili madutlan
sa anay. Giablihan niya ang pultahan
nga mitingog nga murag gustong
mosugilon kaniya sa nahitabo
kaniadto.

Gisirado niya pagbalik busa 
mibanos ang kalanog sa kahilom
didtong dapita. Buhi pa ang tuko
nga saksi pa kaha sa nahitabo?

wala nila gisaba ang nahitabo.
makaulaw sa pamilya. Giluom
na lang ang gihimo sa mga luog.

sama sa nawong nga gihugasan
og sa lawas nga gikaligo og sa
pagpanabon, og sa paghilog sa
humot nga perfume, walay
maghisgot, nahuman na kadto,
magsugod na pod sila sa uno.