lamat

ang kahaw-ang usa ka 
papel nga pution nga wala
pay nahisulat, 

ang pagsulay sa pagtukib
niini mao ang tinta sa atong
hunahuna

sa kamingaw magwiriswiris
kini sama sa kusog nga ulan
diha sa atop apil ang nataran

subayon ang mga lawak sa
kasagbotan gisulayan kon naa
bay bakanteng kapahulayan

apan ang tubig morag bata nga
siging gakaratil og dagan sa walay
katarungan hangtod makita niini
ang ubos diin siya mopondo sa
usa ka pagpahulay

sa taas sa mga panganod anaa
nagpabilin ang kagaan og kahayag
nga abi mo og nakasabot na sa
tanang panghitabo sa iyang 
ubos, 

kon imong pangutan-on
ang iyang tubag mao lamang
diha sa paglutaw dayon 
sa hinayhinay mobiya.