2016/02/16

paingon sa mga kahibulong

kon lantawon mo lang
ang panghitabo
walay mahitabo nga
dako
sundon mo lang ug lantaw
kon asa kini paingon
kon layo na kini kaayo
putlon
dili ka mokuyog sa kalay-on
putlon mo gayod kini
dayon
moduko ka mahimo sang
mohangad

kon putlon mo ang iyang
pulong
managhan kini
bilin kanimo sama sa mga
dahon nga gikaon sa
ulod
dili ka na makalikay niini
kay dalhon mo man
ang mga putol diha sa imong
mga panaghap

ayaw og kuyog ayaw pod
pakuyog
dungo lang kon mohangad
mahimo man
apan mao man lang god kini
ang tinood nga
panaw

ikaw, ikaw, ikaw lang gayod
sa mga pinutol nga pulong
paingon sa mga kahibulong.

Panginhas dire