kasakit kalipay

sama sa kasakit ang
kalipay temporaryo lang

mga peke nga alajas nga
napalit sa daplin-daplin

milubad nga pantalon
sapatos nga kadali rang

natangtang ang takong
pulseras nga putol 

sama sa kalipay ang
kasakit mipahulay lamang

unya sa walay pagpananghid
milakaw ra pod nga wa gani

ka kahibalo kon asa paingon
og kon kanus-a mobalik

duha ka bisita nga lain
lain og taras ayaw kaayo

abiabiha kay kining mga
tawhana walay pamilya.