2016/02/02

pagmahal

ang pagmahal
morag leche flan

dili na lang sa
iyang katam-is

buk-on ang walo
ka itlog
iwahing ang puti
dayon og
lamog niini sa
gatas

itak-ang sa ibabaw
sa init nga tubig
hangtod nga kini
mogahi

dayon pabugnawon
diha sa
iyang hulmahan

dili na lang sa katam-is
kondili 
anaa usab kini sa
pagbuak, sa pagpili,
sa pagpagahi

dayon hangtod na
kini sa pagpabugnaw
dayon atong dalhon
sa sulod sa
lawak
kitang duha
atong saluhan.

Panginhas dire