2/09/2016

nangutana si Tasia
nganong wa pa miundang
si Tarcisio sa iyang
pagkamaestro nga kuno
gamay man ug sweldo,
"nawili ka seguro anang
Gud morning sir no?"
o dili kaha kadtong
gikitik ka sa imong utganog
nawong sa imong
estudyanteng kiat?"
wa mitubag si
Tarcisio
mitaas ang suwang
sa kataas og garbo
kuyugan sa iyang
pinahapay nga dili
madutlan sa kusog
nga hangin gikan sa
habagatan
ang iyaha lang
bahala na og gamayng
sweldo
basta tiunay lang ang
serbesyo
( ang mga tiki didto's
kisame
nakadayeg ni
sir,
mipakpak
busa tan-awa
maayong pagkahulog
sa salog)

No comments :

Post a Comment

Lami ba?