2017/01/17

ang piniriso

gipugngan mo ang
pag-abot sa kasuko
gihipos mo kini sulod
sa imong dughan
nga morag bato nga
puhon imong ibuno
kaniya

misamot kabug-at
ang bato sa dihang
gibati kag kalooy sa
imong kaugalingon
diha sa
kanunayng pagpugong

ingon siya kon 
padayonan mo ang 
imong gibati 
nahisama ka ra sa
tawong 
migunit sa baga diha
sa imong palad
mapaso ka

sa gamayng bata ka pa
sa imong kapungot
gitadtad mo ang bola
sa imong igsoon

ayaw kalimti ang kapungot
nga karon
naghipos kanimo sa 
bilanggoan

ikaw ang piniriso siya
ang prisohan

Panginhas dire