2017/01/13

unod ka na lamang

karon makamao kanang
molubong sa mga bukog
baliki

anang tungang gabii
baliki
pamatia ang mga lubnganan
kon aduna bay
mga bukog nga nangagho

kon aduna man
kulang pa gihapon ang imong
pagtoon 
wala pa gihapon ikaw nakat-on
kon unsaon gayod

ang paglubong sa mga bukog
kinahanglan ang mga kamot
nga dili na magkurog
ang mga mata dili na magsimag
mora bag anad kana
sama sa pagprito bali bali sa
isda nga walay unod nga mopilit
ug mabilin diha sa
kalaha

kadtong gilubong mog bag-o
baliki
pamatia ang lubnganan
kon wala ka nay kasikas nga
madungog o kaha ba bagting
sa kampanang karaan
dipues nahingpit mo na ang
maong pagbuhat

nagmalinawon na ang imong
kaugalingon diha sa pagputol mo
kanila unya sila usab
nahaluna sa saktong kahilom.

dili ba nga gusto mo nga unod
ka na lamang?

Panginhas dire