2017/01/20

ang pito ka ulo

pito ka ulo ang
apil sa
paglantaw.

lahi kini nga
mananap sa atong
katilingban.

ang usa ka ulo
milantaw sa salaod
dayog dakop.

ang ikaduha nga
ulo ang naghimo sa
sumbong.

ang ikatulong ulo 
mao ang
nagsugo sa pagbanlos
kaniya didto
sa mga rehas.

ang ikaupat mao ang
tighipos ang
tigsunod sa mga sugo.

ang ikalima walay mata
walay dunggan
siya ang mosulti kon
unsa ang tinood.

ang ikaunom mao
ang tigpanalipod kaliwat
sa tanang inahan
sa kalibotan
nga maoy tiglaban.

ang ikapito mao ang
imong silingan
nga mahimong
manira sa iyang bentana
o dili ba kaha
moabri sa iyang
ganghaan
aron mangilabot
sa katilingban.

Panginhas dire