2017/01/18

muta

dako ang
kahiubos sa
imong paglikay
kabahin niya
nga nangita kanimo
tungod laman
sa usa ka katuyoan
diha sa paghimamat

apan ikaw nga
ang mga mata anaa
naglantaw sa imong
tiilan walay
hunahuna nga ang
paghimamat usa
lamang ka
lantaw diha sa
paglabay
sa pignit lamang
nga panahon

abi mog
ikaw ang adlaw sa
iyang
mga adlaw

pagkahungog mo
nga naghunahuna
niini
kay kon milantaw
ka pa lang unta
sa unahan
makita mo unta
nga ikaw muta
lang man diay
sa kabuntagon

Panginhas dire