1/15/2017

madaog gayod ang kalinaw

sa kanunay
magmadaugon ang
kalinaw
kaysa kagubot

human sa ilang
away, dinumugay,
pinatyanay
human silang tanan
nahuwasan
nga milugdang sa
daghang kamatayon
mitindog ang
kalinaw gadala sa
kahilom

ang mga duga nga
milanab sa yuta
nahikatulog sa mga
kabatuhan

ang mga pataynga lawas
nadugta sa panahon
ang mga kalabera
naglutok sa paglabay
sa panahon
dili na makasyagit

ang mga sagbot
mitabon
ang mga kahoy milabong
ang mga kalanggaman
nanalag
namiso 
miawit sa kinaiyahan

wala na ang mga tawo
ang mga armas
ang mga kasuko

No comments :

Post a Comment

Lami ba?