2017/01/13

ang tigsangyaw

dili na imo
dili ikaw ang nagbuhat

miabot kini
sama sa ulan
gadalag hangin
ug mga dahon ug
mga buwak

nakita mo 
nabati
gihikap ang imong
kasingkasing
usahay
gihilap ang imong
atay
mikurog ka
apan usahay
misayaw
miawit

kay dili lagi kini imo
dili sama sa kape
nga gibutang sa imong lamesa
dili kini imo

apan ikaw ang miinom
ikaw ang miawit
ikaw ang misayaw

miabot kini
ug gisultihan ka
namati ka
ug ikaw dili na sama
kaganiha

Panginhas dire