1/10/2017

sa dihang nakagawas ang kalipay

nasayod na ako
nganong nagsigi ako ug
lupad diha sulod sa akong
damgo

itom nga langgam sa asul
nga langit
pak-an nga mikutaw sa
tubig nga panganod

kabalo na ko nganong
miulan ang langit
samtang mikuyanap ang
kahayag
sa berdeng mga bukid

nganong ang yuta nalipay
sa dihang nabasa unya
nanggitib ang mga liso
sa nangka diha sa nasiak
nga mga bato sa Dabiak

No comments :

Post a Comment

Lami ba?