ang tawo

 ang tawo nindot lang

kon buhi pa apan kon patay na

wala nay pulos

kahadlokan na, manimaho na

wala na, wala na

ilubong na

(usbon ta kini

alisdi ang tawo sa kinatawo)

ang kinatawo sa tawo nindot lamang

kon buhi pa kini, isog, gahi, tugsoy, taas,

hagong, labyog,

gikalisangan, gikinahanglan sa daghan,

makabuhi sa patay,

dili moamen, mosukol, manulong,

mangluwa,

kita ang kinatawo, diha sa tawo,

dili moamen, mosukol, manulong, manugsok,

gahi, tugsoy, isog, sinaw, gilak, batok sa adlaw,

hagong, molabyog, mohangad,

lusong, simaan, timaan, dili masabtan,

mangluwa.