paningkamot
ayaw kalimot
ayaw tagda nga
sa imong pagbalik
matagboan mo
ang pahimangno sa
usa ka balay nga
biniyaan nga moingon:
patay na ang mga
namuyo dinhi
wala na ang hagwa
sa usa ka puya
gibokbok na ang
mga haligi
sa pipila ka adlaw
mahugna na ang maong
balay, magsadya ang
tanang mga anay
ngano ba nga
giundangan mo ang
paghimo ug aso
didto sa kusina?
uga na man unta ang
mga sugnod
wala na ang gikahodlokan
mo nga simag sa baga.
aligato, aligato sa
kalipay, dali na.
No comments :
Post a Comment
Lami ba?