sa tanang miabot
ang sinako nga kasakit ug binukag mong
kahiubos
ilatag kini sa nataran
atong iphon, atong hiposon dayon
trangkahan
gip-ot na kaayo ang kamalig
bisag dako ug luag pa kini
busa nalisang kita
apan gikuha ko ang gamay nga kaang
nga dali rang mabuak kon kita magdinangag
gibutangan ko sa buwak nga humot
diha sa kahilom kini nangalimyon
dawata ang usa ka bugkos nga buwak sa akong kahilom
mas gamhanan kini sa usa ka bukag nga kagulkol
sa usa ka sako nga pagbakho
sa usa ka taro nga kasuko
gihambin ko ang buwak sa kahilom
ug ako ang gamhanan nga sa tanan nagmadaugon
bulawan nga buwak
nga way pagkadugta.
No comments :
Post a Comment
Lami ba?