ANG imong lugar napuno sa
tawo,
nanagsulti sila,
ang uban nanag-awit,
ang uban
hilom nga naglantaw
sa tanang
nahitabo ug manghitabo
nahadlok ko
busa mipahawa ko
nagpalayo
naghimo ug akong kaugalingong
payag
sa ibabaw sa bungtod
nakighimamat sa gabon ug
mga panganod.
malinawon ako dinhi
namati usab
sa daghang namuyo sulod
sa akong kasingkasing
ang akong hunahuna nagbantay
naglantaw
namati pag-ayo kon unsa
ang akong sunod nga
buhaton.
sama kaninyo gipangita ko
usab ang agianan sa
kalipay: kanang linaw nga
lanaw,
lalom, lagom,
diin pati ang adlaw ug bulan
manamin.
No comments :
Post a Comment
Lami ba?