ang akong kalipay
sa pipila ka adlaw
nagsalig nimo
gipangita ka nako
sa pipila ka adlaw
gibati nako ang kakapoy
sagol kapungot
dili nimo kondili nako
ngano ba nga ang
akong kalipay magdepende
man nimo?
ug nganong sa imong nawong
bisan kanus-a wala ka man
nalipay kanako?
mora kog gakuha ug dakong
bato nga gipakong nako sa
akong ulo
dili na kini kalipay kon
dili kasakit busa
ako na kining giundangan
ug sukad kaniadto wala na
ako naghandom nimo
matun-an ko gihapon kining
tanan, malabyan ko ra gihapon
kining akong agianan
pagkasagbot sa akong palibot
pagkadako sa dag-om sa akong
langit
nagpakahilom ako unya sa
hinay hinay gibuhian ko ang
imong bugnaw nga kamot
gitangtang ko ang imong bukton
dayon nakog pasalamat
dayon nakog biya nimo samtang
nahikatulog ka pa sa atong
higdaanan
pagkamaot sa akong damgo
gibuhian ko ang halas nga
milikos sa akong kamot
human na kini nakapaak
sa akong tudlo.
No comments :
Post a Comment
Lami ba?