kon sugdan mo na gani
ug tuki tuki ang akong mga kakulangon
sugod nianang mga puntong salawayon
usahay mohangad na lamang ako sa langit
ibalhin ang hisgotan
paingon sa laing mga butang nga mahimo
pang usbon
apan sa mga butang nga ania na kanako
nga dili na mausab
lantawon ko na lamang ikaw sa usa ka
pangamuyo nga unta
imo na kining undangan kay ug ako
na ganing masugdan usab ang bahin
kanimo
basin ug mabukog ka lamang
mawad-an sa hangin
matuk-an
unya kon mamatay ka basin dili nila
ako undangan ug basol
nganong ang sama kanimo
gipatay ko pinaagi lamang sa usa
ka tutok
nga mora bag giluba ko ikaw sa usa
ka hait nga punyal
nga midulot sa imong alimpulo
lapos sa imong alingagngag....
No comments :
Post a Comment
Lami ba?