maibot ang takna
nga gipanugilon na lang niya
ang iyang mga suliran
sa kabulakan, sa kabukiran,
sa kadagatan, sa kalangitan
sa iyang iro nga itomon
sa iyang iring nga puti,
sa mga ok-ok, sa mga tiki,
sa mga bongbong ug sa mga
salog,
sa mga panganod, sa hangin
kay ug sa tawo, wa man say
ganahang mamati,
ug kon mamati man, dili
sab kahatag ug sulbad
o hubad, unya
igo ka lang usab nga
ipanabi
aron ka mabali.
No comments :
Post a Comment
Lami ba?